Det har også vakse fram nye aktivitetar, der det gjerne vert  fokusert på meistring, fart og spenning. Mykje tyder på at motivasjonen for å utøve dei nye aktivitetane i stor grad er samanfallande med motivasjonen for det meir tradisjonelle friluftslivet. Eit kvardagsfriluftsliv – for alle – gjer det viktig å ha tilgang til gode turområde/naturområde i nærmiljøet. I tettstadane er det utfordringar i å sikre innbyggjarane tilgang til sjøen (eller vatnet/elva) og å få til ein samanhangande grønstruktur som sikrar god og enkel tilkomst til tur- og naturområda i/nær tettstaden.

Friluftsorgansiasjonane i fylket er aktive i arbeidet med å fremje friluftslivet og stimulere og motivere til aktivitet. Friluftslivs- og naturorgansiasjonane har eit samarbeidsnettverk på fylkesnivå: Forum for natur og friluftsliv (FNF) i Sogn og Fjordane.  På heimesida deira finn du meir informasjon. Her er oversikt over dei enkelte organisasjonane med heimesider: FNF-organisasjonane i Sogn og Fjordane

Det er viktig å sikre at det er tilstrekkelege tilgang til eigna naturområde i nærmiljøet der folk bur, langs sjøen, langs elvar og vassdrag, i skog, mark og fjell, og å unngå tilfeldig og uheldig nedbygging. Kommunane si arealplanlegging er heilt sentral for å oppnå dette.

 

Opplæring av barn og unge er svært viktig med tanke på å få nye generasjonar til å drive friluftsliv. Her har både foreldre, barnehage/skule og frivillige lag og organisasjonar viktige oppgåver. 

 

Det er utarbeidd ein fylkesdelplan for idrett, friluftsliv, fysisk aktivitet og folkehelse (2006-2009). Arbeidet med revisjon av denne er i gang.